حلم عجوز
............
ومستني النهار
يطلع
بفارغ صبر
ومستني
اللي راح
يرجع
يعود العمر
وأرجع تاني
لطفولتي
ونلعب لعبة
الحجله
ونلعب
ال ستغمايه
وأرجع جري
بهدومي
اللي وسخها التراب مني
على امايه
واهي تناديني
ليه
يا بني
وتضربني
مقشتها البلح
بيها
تلسوع
جتتي
وأصرخ
ماعنتش
تاني اوسخها
وتحضنني
تراضيني
تجيب لي عيش
وتمرايه
تقول يا بني
ياحبة عيني
ياضنايا
بلاش لعب التراب
تاني
أقول حاضر
وأرجع
تاني يوم للعب
وآخد
كل يوم علقه
وسعات أهرب
في
دروايه
وأنا م الخوف
مالي جوفي
أنا وأحلامي
وكسوفي
وباستنا
النهار يطلع
عشان ألعب مع صحابي
وباتمنى
اللي راح يرجع
لشمس زمان
لكن أيامي
سحبت
مني
ضحكة طفل جوابا
صحي م النوم
على صرخة
نهار
اسود
وملهوش شمس
سحاب إسود
أخد أمي وأبويا
وأغلب
أصحابي
ولقيت
روحي بسابق
روحي في الضلمه
ف زمن ظالم
وأيام أهلها
ظالمه
ماليها الخوف
من اللي جاي
وملهاش
قلب زي أمي
وبتساوي
اللي مات
بالحي
ومليانه بتوب
معيوب
وعين معصوبه
في
بدايه
وفي نهاية
زمن مقلوب
يطول الليل
ومستني النهار
يطلع
بفارغ صبر
عشان اسمع
لصوت
أمي
وحشني صوتك اللين
وواحشني
التراب ..يامه
واحشني اللعب
ياامايه
في حلم
عجوز
لقيتني عجوز
بقيتيني
عجور
فقد عمره
بيتنشق
على حكايه
في حلم عجوز
...............
محمدمحمدالشاعر
ليست هناك تعليقات:
إرسال تعليق