مات جاهين مات جاهين مات جاهين
أبو ضحكة عاشقه النيل
يضحك كما الشريان
والقلب نبضه يزيد
مركب شراع شخليل
يرسمها فرحة ودار
تتفتح الأزهار
وتبارك البساتين
مات جاهين مات جاهين
من بعد صوت الوجع
من بعد صرخة جدع
من بعد عشق سنين
اتغنى ليل ونهار
فى سطور خير وعمار
يا وطنا يا زنهار
مكتوب لى ابوح للنيل
فالمعنى ألف دليل
تجلدنى بالصبار
وأتهادى بالمناديل
واسرد إيادى حرير
فى غناه دموع البشر
ملايين جراح دساتير
ومراسم السلاطين
بتزلزل الطباشير
مات جاهين مات جاهين
ودموعه لسه ما جفت
والزحمة لسه ما خفت
زفة عروس النيل
والمعنى لسه عليل
فى تراب حروب البشر
وحروف كتير بتميل
ساكن كما الدراويڜ
فى سلالمك العاليا
ونجوم كتير أيده
ونجوم كتير بتغيب
ونجوم تقول ليلى
يا قيس ويا ليلى
يا نخلتى العاليا
يا جنة العاشقين
لسه الطيور نايمة
لسه فى دموعنا هسيس
رابض كما المهاويس
ويعاتب الجدران
لسه فى غنانا نهار
تخرج بشاير زار
جوا النجوم أنهار
نتلاقى ليل ونهار
فى سحابة تجمعنا
يا رحلة تدمعنا
جوا القلوب معنى
تضوى السماء قناديل
لسه الجراح بتزيد
لسه فى دموعنا جاهين
لسه بيحضن نيل
وفى صوته الف دليل
لسه فى غنانا جاهين
لسه فى غنانا جاهين
أشعار أحمد مسعد
ليست هناك تعليقات:
إرسال تعليق