قاضي الغرام ... للشاعر أحمد الغرباوي

 

((قاضي الغرام))

قاضي الغرام.. مني سلام

باسم الهوى والحب هشكيلك

من يوم لوقاه..

عذبني معاه.. لوعني في حبه وهواه

من الأول خالص.. هحكيلك

صورلي الجنة.. فرحة وحِنة

وقالى اتهنى.. واعيش لهواه

وحلفلي.. في عيوني.. هشيلك

طيرني فوق سماه.. بعدين معاه

دلوقتي بيقولي.. همشي.. أيوة همشي واسيبك

لطفك يارب.. بناجيك.. وأصليلك

بقى ده اسمه كلام.. والله حرام

لو أبعد عنه يومين.. يقولي بإشارة مني هجيبك

منه أروح فين..

وانساه ازاي.. ولو ليومين

قاضى الغرام.. خلص الكلام

والحكم فى الهوى.. شد حيلك

أحمد الغرباوي