الغربة
مين اللى قال
إن الغربة غربة جسد
دى الغربة
غربة روح
وفراق الحبيب
أصعب من طلوع الروح
وفى قربه جنة
منها العبير بيفوح
مين اللى قال
الغربة غربة جسد
دى الغربة غربة روح
أوركيدا
وحيدة فى بستان
الهموم بتنوح
وخولى هجر ورد
بستانة با الجسد والروح
دى رسالة دوا
كتبها طبيب الهوى
لحبيب مجروح
فين مكانك..فين زمانك
فين كلامك
سبت نارك جوة دارك
ببعدك سنين
فية ناس من بعدك
مش ناسية وعدك
لية زودت الانين
هجرت أهلك وناسك
مين فى الغربة
مين من بعدك
يملأ كاسك
تعالى ازرع ارضك
بفاسك تطرح حب وحنين
مين هيحس ويفهم كلامى
ده أنت سهدى
وقلقى فى منامى
ببعدك طنين النحل زاد
وأنت طولت البعاد
ليه بس العناد
ارجع
تعالى ابعد النحل عنى
دة انت بس
اللى قريب منى
لية فى بعدك
تسيب دبور يهنى
ارجع
مش عايزة مال
مش عايزة جاة
مش عايزة انوح
دة مال الدنيا كلة
بييجى ويروح
ارجع ..ارجع
ياروح الروح
بقلمى
محمد يونس
ليست هناك تعليقات:
إرسال تعليق