نزلت سوق العطاره
أجيب صبر على صبري
صبري خلاص نفد
وإنتهى ياناس من بدري
لقيته زحمه
وهيصه والناس واقفه
كتير من بدري
وناس قاعده
وناس واقفه
وناس تانيه بتجري
لقيت محل كبير
ما حد عليه واقف
رحت عليه
دوغري
طلعت الفلوس
من جيبي
قالي عايز تشتري
إيه يابني
قلتله صبري خلاص نفد
وعايز صبر يا والدي
قالي لو كان الصبر
بالمال ماكانش
حد غلب يابني
زجل
بقلمي /
سيد الحلواني
ليست هناك تعليقات:
إرسال تعليق