/////////+++ يامجداف +++/////////
فين ساير بيا يامجداف
وانا وسط لبحر ف ختيلاف
بحري هدا وشحال كلاف
حالو تبدل زاد تغير
كندير ياسيادي ومحير
ماشي ديالو ماشي مخير
ماقادر وماقاد نشوفو
وانا مسلم لخفى ظروفو
ماشي ميزانو وصروفو
مرة مايزاورو نوم
هدا حالو كل لحظة ويوم
ياربي صفي هد لغيوم
لله ياهل الحال فيدوني
بسكاتكم لاتزيدو تخنقوني
وانا منكم لا ترموني
ولد باب الله ماشي اغريب
والحال الحال وشحال صعيب
وسط النار جمارها كنطيب
اطبيب للي مشيت له يكدب
ومخليني في حالة معدب
سعدي وعليا مكتب
اجريت به اولية وصالحين
نجري ونجاري مع الدايعين
مازال معرفت صح من ليقين
يكفي يامجداف راني عييت
هاني في حالك اتهديت
امثى وتكول ليا ابريت
اتكلم معايا جاوبني
لهوال وانت مسلمني
يامجداف حالك معدبني
كال ليا هانا وسط لهياج
كنقاوم امثى يجي لفراج
نطلب ربي يهدن لمواج
وناجي العالي في ليالي
ايزول بسماءو هوالي
ويضمد سباب جراح بالي
/////////+++
بقلم صقر الحروف الزجال بوسبولة المحجوب
+++/////////
بقلم صقر الحروف الزجال بوسبولة المحجوب
+++/////////
ليست هناك تعليقات:
إرسال تعليق