صبرية والذئاب
كان يا ما كان في زمن غابر عاشت صبرية في بستانها الفردوس الوارف الظلال والذي فيه ما لذ وطاب من خيرات الله من فواكه وخضار ومكلل بالورود الجميلة
عاشت صبريه مع زوجها كنعان وكانت تشكر الله على خيراته الوفيره ، فبستانها جنة الله على الارض وكانت لا تبخل في العطاء على اشقائها الموزعين في عدة اماكن ، كان الكثير يطمع في بستانها الجميل ويريدوا ان يساومونها عليه ، او يرغبوا ان يستولوا عليه ، توفي زوجها كنعان وهي في ريعان صباها وترك لها من الاولاد فارس وشهم وياسمين وروحي وسيف وربتهم واحسنت تربيتهم وعلمتهم حب الارض والتشبث بها
يظهر فارس جالس هو وزوجته آمنه ( ام كنعان ) يشربان الشاي ومعهما طفلهما الصغير كنعان وعمره لا يتجاوز ثمان سنوات وهو يدرسه
فارس : حبيبي يا بني كنعان بدي اياك مثل اخوك الشهيد عزالدين اللي الكل كان بيفتخر فيه بعلمه وشهامته ، ادرس كويس لأنو علمك سلاحك فيه كمان بنحارب اعدائنا ، وبكرا علشان تثأر له من الكلاب
كنعان: بابا ان شاء الله اكبر واصير شهيد مثل اخوي عز الدين
ام كنعان : الله يرضى عليك يا كنعان ... تكبر وتصير احلى دكتور وتفيد اهلك وبلدك الفردوس
صبريه : يما يا فارس وينك ... نادي على خواتك .. يالله يا ولاد تعالوا افطروا عملت لكوا مناكيش( مناقيش) زعتر وبيض ولكطت( ولقطت) الزعتر من الجنينه وعملت لكوا جبنه
فارس: تعال يا شهم وينك انت يا سيف نادي اخوك روحي وعلى اختك ياسمين
ياسمين: يسلموا ايديكي يما على خبز الطابون مع الزعتر والشاي اللي على الحطب ما في ازكى منو
صبريه: تسلمي يا بنيتي والله يرضى عليكي كومي( قومي) ضبي الفراش وجهزي حالك علشان تطلعي مع اخواتك على الارض
يالله ياولا د شدوا حيلكوا علشان نروح على الارض علشان نلكط(نلقط) الزيتون ، ونجمع البرتكان(البرتقال) من البياره
شهم: يمه ولا يهمك علشان انا واخوي روحي نودي (نرسل) لخوالي زيتون وبرتكان (برتقال)
صبريه: خوالك يمه كل واحد بحالو ، الله يبارك فيك يا بنيي ، بعد ما نلكط( نلقط) الزيتونات والبرتكان( البرتقال) بنودي لخوالك جاسم وسعود وفرغلي ويامن وشام وهواري وهم بوزعوا لاولادهم بطريكتهم(بطريقتهم)
فارس : يمه بدي اوخد( آخذ) بارودة ابوي معي اصيد كم طير (فري) علشان تعملي منهم مسخن على الغدا
صبريه: يما يا فارس بارودة ابوك حافظ عليها مثل روحك هاذي ما نخلكت( انخلقت) للصيد وبس ، هذي علشان ترد فيها كل من بدو يكرب( يقرب) على الارض ، الله يرحم ابوك ما حدا كان يسترجي
يهوب(اي يقترب) على الارض
ارضك يما عرضك وشرفك سامعين يا اولاد انت يا روحي ويا سيف وانت يا شهم وانتي كمان يا ياسمين ، بكرا لما تتزوجوا بدكوا تعلموا اولادكوا هذا الحكي ، شوفوا اولاد فارس ما اشطرهم كيف بطلعوا معكوا على الارض
شهم: لا تخافي يما احنا اولاد كنعان تربينا على العز والكرامه ،واحنا الجبارين اللي ما بكهرنا( بقهرنا) الا الموت
صبريه : الله يرضى عليكوا كلكوا ، ابوكوا مات وتركها امانه في ركبتي(رقبتي) وركابكوا (ورقابكم) ، وانت يمه يا روحي انت واخوتك ديروا بالكوا على دراستكوا ، علمكوا سلاحكوا ، اخوكم فارس الله يعطيه العافيه ، مش راح يقصر معاكم ، الله يعينه على فلاحة الارض ويدير بالو عليها وعلى المواشي اللي في المزرعه
( العائله في الارض مع شباب وبنات البلد ، كلهم يد واحده موزعين منهم من يقطف الزيتون ،ومجموعه اخرى تجمع في البرتقال والفواكه الاخرى من البياره)
يجلس فارس بعد التعب للاستراحه هو وشباب وبنات القريه ، ثم يقوموا جميعا بالرقص التراثي وبلباسهم الفلكلوري الجميل ويبدأ فارس بالغناء
اشعار نور الدين ابو الهيجا
اشعار زيتونيه
جيب المفرش والحرجاي..... والزيتون بهالشهر
جيب شوالات وعصاي .... في منو عالي الشجر
والزواده . وللتسلاي .... هريسه للي حضر
اشعل نارك واغلي شاي ... حجرين بجنب الحجر
حظر الحطب معاي ....... وزعتر بلاط الوعر
واستناني هيني جاي ... جايبلك مية مطر
قلل سكر في الكباي ... لسيدي هيو حظر
والقهوه بعد التحلاي ... بتسوى ثلثين القمر
ابوي بحكي وبمون ... يله همه يا شباب
نظفنا ذيال الزيتون ... ظايل علينا العباب
وستي تنظف الزيتون.... وامي تجولو عن التراب
وشوك بلادنا حنون ..... يا امي لو ايدك صاب
والجرح ال ما الو دهون.... ادهن جرحك من لتراب
حلوه حياة الفلاح ...... وحلوة لمة اسرتنا
ولما نسرح بالصباح ..... نشرب قهوه بحارتنا
والجيران ان كانو ملاح ... معهم نفرد سفرتنا
ونشرب مي من الظحظاح ... لما بتخلص قربتنا
*************************************
بعد الانتهاء فارس يجمع الكل ويبدأ بالكلام
فارس: بتعرفوا يا اولاد شايفين شجر الزيتون هذا عمره مئات السنين ، منها ما زرعه ابوي كنعان ، واجدادنا ...اب عن جد من جيل لجيل ، علشان هيك هذه مثل روحكوا الارض شو بتعطوها ما بتبخل عليكوا ، عضوا عليها باسنانكم وما تخافوا من جورج والضيف اللي عنده حاييم وهو ذنب وكلب الو (له)
شهم : اخوي فارس انا بكرا بدي اروح على البلد اشتري بواريد(بنادق) الي (لي)ولروحي وسيف
ياسمين: ليش(لماذا) وانا صغيره عن الباروده وللا علشان بنت ، هذي ارضي مثل ما هي ارضكوا واللي بيكرب(بيقتري) عليها باكلو(آكله) باسناني
روحي: انا بدي بكرا اسافر وأودي(ارسل) لخوالي كل واحد نصيبه من الزيتون والبرتكان (البرتقال)
سيف : وانا بدي ابيع الكميات الباكيه(الباقيه) للبلاد اللي بدها من مزرعتنا
صبريه: تنادي بصوت عال( يما يا فارس ... تعال انت واخوتك في واحد غريب جاي علينا ، شوفوا شو بدو )
( يحضر فارس هو واشقائه وبعض شباب البلد ، ويرى رجل يرتدي قبعه ومعطف طويل ، ويدخن سيجار، وخلفه رجل آخر بلحية طويله وشعر مجدول ، ويظهر على نفسه المسكنه )
فارس: ( ينظر اليه بنظرات حازمه ) تفضل يا افندينا شو ممكن نخدمك .....(ينادي على اخته) يا ياسمين روحي اعملي شاي للضيف
الغريب: مرحبا انا اسمي جورج وكنت اعرف ابوك وبدي اطلب منك طلب كنت طالبو من ابوك كنعان ، ولكن ابوك عنيد ورفض ، وانت ممكن تكون غير عنو
عوده: من الآخر احكي شو بدك
جورج: انا طلبت اني اضع خيمه لهذا المسكين حاييم في طرف ارضكوا لكن بشكل مؤقت ، وهو طيب ما راح يعمل مشاكل
فارس: ( يضحك بسخريه ) اههه تشرفنا هو انت جورج اللي بحكوا عنك ، اشرب شايك والله يسهل عليك وخذ بطريكك( بطريقك) كلبك معك
سيف : اطلع من الارض بالكويس ، ما اسمك الا في ارضنا وللا كان النا تصرف ثاني معك
جورج: انا جايكوا بالمليح ما تخلوني ازعل منكوا
روحي: شكلك ما بتسمع الكلام تفضل من غير مطرود
تخرج صبريه هي وابنتها ياسمين تركضان ومعهم عصي : تعال يا كلب انت واياه وكفوا( قفوا) اذا الكو( لكم) شوارب
يركض جورج هو وحاييم هاربان
روحي: يا يما انا بدي احكي لخوالي عن هذا اللي اسمه جورج والكلب اللي معه ، خليهم ييجوا يتفاهموا معه
صبريه : (تضحك بمراره وصوت عال) خوالك بدهم حدا يعينهم (جيتك يا عبد المعين تعيني ، لقيتك يا عبد المعين عايز تتعان ) ، يعني ممكن خالك جاسم يطلع شئ منه ويفيدك
سيف : مش خسرانين شئ لازم نبعث لهم لنشوف نهايتها مع جورج وكلبه
(يأتي فارس من بعيد ومعه بندقيته) : يا جماعه الشغله ما بنسكت عنها اذا اليوم بفكر بأرضنا ما بتعرفوا شو بعدها ايش يعمل وهذا الزلمه مش بسيط ولازم نستعد لكل امر ممكن يصير منو)
شهم: لازم احنا الشباب كلنا نتجمع ونعمل شئ لمواجهته لانه مش بسيط وعندوا كلاب ومسلحين
فارس: لازم نجهز حالنا بسلاح ولكن المشكله الناس كلها على كد( قد) حالها
صبريه : يما يا اولادي ويا شباب ما يهمكوا بكرا بشيع( ارسل) للنسوان كل واحده شو عندها ذهبات(ذهب) تجيبهم وتكدمهم( وتقدمهم) لفارس والكوا علشان تشتروا سلاح
ياسيمن: وانا معك يما راح احكي لصاحباتي يجيبن شو عندهن من ذهب او اي شئ بيكدروا( بيقدروا) عليه من اجل ان نفدي ارضنا بارواحنا
فارس: الليله يا شباب بتتفضلوا عندنا في البيت علشان نعرف شو نعمل..... هاتي يختي يا ياسمين الشاي للشباب
يبدأ فارس بالاغاني ويلتف الشباب للدبكه وتصحبه اخته في الغناء
باروده على الباروده يا مشالله
وانا بدي باروده دخيل الله
باروده على الباروده يا مشالله
وانا بدي باروده دخيل الله
وانا مهما تعطوني ما في دوني
ما في غير الباروده لا لا والله
والله لاحملها بايدي ليلة عيدي
وابقى غني نشيدي هالله هالله
والله لاخد بثاري واطفي ناري...
والله لاعمر داري يا خلق الله
باروده على الباروده يا مشالله
وانا بدي باروده دخيل الله
باروده على الباروده يا مشالله
وانا بدي باروده دخيل الله
باروده على الباروده يا مشالله
وانا بدي باروده دخيل الله
وانا مهما تعطوني ما في دوني
ما في غير الباروده لا لا والله
والله لاحملها بايدي ليلة عيدي
وانا مهما تعطوني ما في دوني
ما في غير الباروده لا لا والله
وانا لاعبي زنادي واحمل زادي
ما في من حب بلادي هالله هالله
وانا لاعبي زنادي واحمل زادي
ما في من حب بلادي هالله الله
وانا برصاص غاوي رصاصي دواي
ع الصهيوني بلاوي يا خلق الله
باروده على الباروده يا مشالله
وانا بدي باروده دخيل الله
باروده على الباروده يا مشالله
وانا بدي باروده دخيل الله
وانا مهما تعطوني ما في دوني
ما في غير الباروده لا لا والله
ياهلي يااهل الحميه العربيه
ما نرضى بالوصيه هاالله هالله
ياهلي يااهل الحميه العربيه
ما نرضى بالوصيه هاالله هالله
احنا اهل الحبايب والاطايب
احنا يوم الهوايل يا خلق الله
باروده على الباروده يا مشالله
وانا بدي باروده دخيل الله
باروده على الباروده يا مشالله
وانا بدي باروده دخيل الله
وانا مهما تعطوني ما في دوني
ما في غير الباروده لا لا والله
والله لحمل باروده يوم العوده
وحرر ارض جدودي هاالله هاالله
والله لحمل باروده يوم العوده
وحرر ارض جدودي هاالله هاالله
وانا والله لفديها وحييها
واعمرها وابنيها يا خلق الله
وانا بدي باروده دخيل الله
باروده على الباروده يا مشالله
وانا بدي باروده دخيل الله
وانا بدي باروده دخيل الله
باروده على الباروده يا مشالله
وانا بدي باروده دخيل الله
وانا مهما تعطوني ما في دوني
ما في غير الباروده لا لا والله
صبريه: الله يعطيكوا العافيه يا شباب انتو الامل وانتوا الخير ... الليله كلكوا معزومين على اكله من تحت ايدي (يدي) عامله الك مفتول
الشباب جميعهم : تسلمي يا ام النشامى
يأتي من بعيد طفل صغير يركض مسرعا يخرج له فارس لمعرفة الامر
فارس: مالك يا ابا يا ثائر
ثائر: الزلمة ابو برنيطه معاه ابو جدايل واقفين بأرضنا بدقوا حدايد ، رميت عليهم حجار هربت وجيت احكي لك
فارس( يسحب بارودته وينادي على اخوته وكلهم يتبعونه على الارض ومعهم عصي ثم تتبعهم والدتهم صبريه واختهم ياسمين )
فارس : انت واياه اخرجوا من الارض وللا والله لخلي الباردوه تخردككوا
يتجمع مجموعه من الشباب والاولاد حول فارس واخوته يبدأوا برمي الاحجار على جورج وحاييم ومن معهم ليولوا هاربين
في المساء يجتمع الشباب في بيت صبريه وابنها فارس ليتدارسوا الامر وكيفية مواجهة هؤلاء الغرباء
فارس : اهلا وسهلا بربعي يا هلا بالنشامى .... يا اخوان الارض طالبيتكوا..... شفتوا جورج وكلابوا شو عملوا ... اليوم الدور علي بكرا بلحكوا (يلحقوا) الدور واحد .. واحد بنصير مثل ما كال(قال) المثل : اكلت يوم اكل الثور الابيض ، لازم نكون عصبه واحد مثل كومة هالكش (كوم القش) ما يفرقنا اي شئ
ابو همام( احد رجال البلد) : احنا رجالك يا فارس وركابنا ترخص فدى الفردوس وللا يكرب عليكوا ما يلوم الا نفسو
شهم: الله محيي اصلك يا ابو همام واحنا دمنا وروحنا معلكه( معلقه) بأراضينا
الشباب بصوت واحد : احنا رجالك يا فارس ... والفردوس ارضنا
فارس: من بكرا حضروا حالكوا يا شباب اللي عندو اي قطعة سلاح من بواريد وخناجر وشباري حتى فوس وعصي يحضرها واخونا ابو همام بدو يتولى تدريبكوا انا واياه
روحي: وانا بدي اجمع اموال او اي بضاعه من كمح ( قمح ) وبرتكان( برتقال) انزل ابيعهم في البلد واشتري سلاح للنشامى
صبريه : يما يا شهم تعال خذ العشا للشباب عملتلكوا مفتول وكمان يا بنيي روحي تعال خذ هالذهبات من عندي ومن نسوان البلد علشان تشتروا فيهم سلاح
وفي الصباح البكر وفي مسجد يصلون الشباب صلاة الفجر ويؤمهم ابو همام.. بعد الصلاه يجلسون للتباحث في وضع الغرباء
فارس: صلاتكم مكبوله يا شباب : يا اخوان تكميل لاجتماعنا امبارح ... بدنا نوزع الشباب كل مجموعه الها مهمه تكوم فيها
اخوتي روحي وشهم وسيف راح يسافروا على اخوالنا علشان يدعمونا بالسلاح واذا ما بكدروا ييجوا يدافعوا عن بلدنا الفدروس ما بدنا منم شئ احنا كدها وكدود ، لكي اللي بحب احكيه انو اذا راحت الفردوس ، راح يكون بوتشرا( غدا ) الدور عليهم ، لأنه الفردوس ما بتمثلنا احنا لحالنا يا اولاد كنعان ، الفردوس بتهم كل الشرفاء لانه فيها مساجدنا ومقاماتنا الدينيه اللي ارواحنا بترخص الها
شهم: انا يا فارس طالع لخالي سعود انشوف شو ممكن يكدم لنا من دعم مالي
سيف : انا بطلع لخالي فرغلي هو اكبر خوالي لازم نشاوره ونشوف شو عندو حلول
روحي: انا رايح لخالي شام ولخالي جاسم على الله يكون في فايده منهم
فارس: الله يحييكوا يا اولاد كنعان الهمه همتكوا ، وانت يا اخوي ابو همام مهمتك توزيع الشباب حوالين البلد ليحرسوها من جورج وكلابه والذنب اللي معه حاييم
ابو همام : ابشر يا فارس وانا اخوك ... انا وابو العم ابو ضرغام راح نشرف على تدريب الشباب ، وانت بتعرف ابو ضرغام خبير ورجل مكافح
فارس : الهمه يا شباب ، وخليكوا ايد واحده ، لأنه الكف لحالو ما بسكف (يصفق)، وهدول بدهم يفركونا علشان يستفردوا فينا ، ونكون ضعاف ، فخليكوا مثل حزمة هالحطب المربوطه ، اذا انفك رباطها تفركت وصارت ضعيفه
( يظهر كنعان بعد سنوات شاب في مقتبل العمر وقد دخل البيت وهو يحمل كتبه )
كنعان : يُقبل يد والده ووالدته وجدته صبريه : خلصنا اليوم محاضره جيده عن التشريح ونسبوني لبعثه للخارج لأني من المتفوقين
( قام والده هو وزوجته وجدته بتقبيله والمباركه له )
ام كنعان: الله يبارك لك يا بنيي ويوفقك ، ما ضل الا نزوجك لبنت عمك ابو همام فداء بنت طيبه وكويسه ومتعلمه ومعك في الجامعه بتدرس هندسه خلينا نتمم الزواج بكفي سنتين خطبه
كنعان : ان شاء الله يمة قبل ما اسافر للبعثه بنتزوج
فارس : انا بكرا بشوف ابو همام علشان نكمل موضوع زواجك وكتب الكتاب على فداء قبل سفرك
ينادي فارس على ابنه كنعان : يا ابنيه يا كنعان روح على دكان ابو سرحان واشتري كيلو سوتشر( سكر )
كنعان: يا ابا اسجلو على حساب
ام كنعان: والله يا ابنيه ما انت عارف البير وغطاه
كنعان : ماشي يمه بدي اروح عليه لأبو سرحان على الله يكون تغير بهالاحوال ويروح الطمع منو
( يلتقي كنعان بطريقه مع صديقه محمود )
محمود: مرحبا يا كنعان سمعت لخبار على حدود البلد مولعه بين كلاب جون وحاييم والنشامى ما كصرو (قصروا ) فيهم مردغوهم بالتراب
كنعان: والله سمعت بيكولوا في عمليه كايمين فيها الابطال
يظهر شاب آخر ويرد عليهم السلام : السلام عليكم ورحمة الله وبركاته – كيف الشباب
كنعان ومحمود: اهلين بالبطل احمد كيف حالك طمنا شو اخبار النشامى سمعت كنت معهم
احمد : ما تخافوا احنا شعب الجبارين وما يغلبنا غلاب
محمود: تعيش يا بطل ما دام ثورتنا بخير احنا بخير
كنعان:يا شباب حضروا حالكوا لاجتماع الليله عندنا في البيت وبلغوا باقي النشامى ، واسمحوا لي هالكيته ( الآن) بدي اصل دوتشان ( دكان) ابو سرحان
( في الدكان يظهر ابو سرحان في كرشه المنتفخ كالطبل)
ابو سرحان : طل السعد ايش يا كنعان شو بدك ، ان شاء الله جاي تدفع اللي عليتشوا (عليكم)
كنعان: والله يا عم ابو سرحان بدي كيلو سوتشر( سكر) وسجلهن على الدفتر
ابو سرحان: روح كول (قل) لبوك الدنيا آخر وكت( وقت ) وما بكدرش (لا أقدر ) اعطيكوا دين
كنعان: يا ابو سرحان انت زلمه طيب وعارف الوضع اللي احنا (نحن) فيه ولازم نكون مع بعض بهذي الظروف
ابو سرحان: هي كلمه واحده وما بتراجع عنها ، لما تسدوا ديون الشهر اللي فات واللا نسيتوا
كنعان: احنا (نحن) ما نسينا وحكك (حقك) بيصلك على داير مليم ، وللا اكلك (اقل لك ) ما بدنا جميلة امثالك
كنعان : عالعافيه يابا هالملعون ابو سرحان مش راضي يعطيني سوتشر (سكر) الا لما نسد الدينات اللي علينا
ام كنعان : والله لروح ادعس على شيبته هالخاسي
فارس(ابو كنعان) : لا يا ام كنعان ما بدنا جميلتو ، ومصاريه راح تصلو كلها ان شاء الله
صوت طرق على الباب
كنعان : مين بدُك( يطرق او يدق ) الباب
مؤنس: انا مؤنس يا كنعان افتح الباب
كنعان: اهلا وسهلا مؤنس اتفضل
مؤنس : لا شكرا ... انا عاوزك بكلمتين ضروري يا كنعان
كنعان: اللهم اجعلو خير ان شاء الله
مؤنس: تعال نروح ونكسدر ( التمشي ذهاب واياب ) في ملعب الكريه (القريه)
كنعان: يابا انا واصل هالمشوار مع مؤنس وجاي مش راح اتأخر
( كنعان ومؤنس في ملعب القريه )
مؤنس: يا كنعان انا بعرفك من الشباب الطيبين في كريتنا ( قريتنا ) ومن المتحمسين عشان ( من اجل ) كضيتنا( قضيتنا) وارضنا ، وانت بتعرف انو ثورتنا على الكلب جون وحاييم بحاجه لكل ساعد ولكل شاب مثقف من اجل رفع راية الكضيه ( القضيه ) ، وانا حكيت لك هالكلام ومتأمل منك ما ترفض الانضمام معانا لصفوف الثوار
كنعان : انت فاجئتني يا مؤنس ولكن انا موافق ما هي قضيتي وقضيتك ، لكن اهلي ما بكدر ( لا اقدر ) اتخلى عنهم وانت عارف شو وضعنا وما في مخبا عنك ولازم اخبرهم وابوي ما برفض بالعكس بشجعني ، لانه هو القائد ومعقول يمنع ابنه ، احنا بنرضع القضيه وبنتشربها جيل بعد جيل جدي كنعان ربانا على هيك واحنا بنكمل المشوار
مؤنس: بالنسبه لوضعكوا انا عارفو ، وديناتكوا اللي عند الكلب ابو سرحان سديتهن من الاجاويد ، وودينا (ارسلنا) للبيت شوال سكر وشوال ارز
كنعان: يا مؤنس ليش تغلب حالك ،وا.....
مؤنس : ما تكمل هذا واجبنا ، واحنا ما بننسى افضال اخوك الشهيد عز الدين الله يرحمه
كنعان: تعيش يا خوي ، بس بالنسبه للموضوع ، اعطيني مهله اخبر ابوي وابحث معاه الموضوع
( كنعان في البيت مع والده بعد ان سرد النقاش الذي جرى معه ومع مؤنس)
فارس(ابو كنعان): اذا انت وكل الشباب اللي مثلك يابا ما دخلوا مع الثوره مين بدو يدخل فيها وعلينا دين لازم نوفيه لاخوك الشهيد عزالدين ومين بدو يرجع الوطن ويحمينا من الاعداء ويكمل المسيره بعدنا الا انتو ، ما نسيت يا بنيي يا كنعان انو احنا شعب الجبارين لا بنكل ولا بنلين
اخوك عزالدين كان زين الشباب بيناديك ، ترى دمه يا ابني بنده (ينادي ) عليك وبيكولك ( يقول لك ) اوعى تنسى حكك (حقك ) وواجبك يا كنعان
كنعان : عهد الله يابا راح نكون عند حسن ظنك وانتي ياما اللي صبرتي وربيتينا على العزه والكرامه ما بننساكي ، ودم اخوي عزالدين وكل شهيد بهالوطن دين علينا ، ارتاح ياخوي يا عز جايينك ، تكرمي ييا ارضنا وتكرم يا وطننا احنا فدى الك
في مشهد آخر يظهر كنعان خطيبته فداء: مرحبا يا فداء انا يا حبيبتي اتفقنا ان شاء الله قبل ما اسافر للبعثه انه نتزوج وبتكملي جامعه واحنا متزوجين ، في موضوع مهم راح اغيب عنك كم يوم وبنيجي علشان نكمل موضوع زواجنا
فداء: حبيبي كنعان انا بانتظارك وشريكة حياتك ، والله يجمعنا مع بعض ونخلي الفردوس تتزين فينا بأحلى عرس ونطرد حاييم الكلب ويكون عرسنا عرسين
يقبل كنعان رأس حبيبته ويودعها
(التحق كنعان مع الثوار وشارك في عدة معارك وعاد بعد غيبه طويله عن اهله)
كنعان: السلام عليكم ، يا اهل الدار وين انتو
صبريه( ام فارس جدته ) وامه ام كنعان : مين .... ابني حبيبي ، اهلين بزلمتنا اهلين بالبطل (يعج البيت بالزغاريد .... لولوولوليششش)
ابو كنعان: والله يا ابني بدي لازم ازين البيت برجعتك واعزم كل الحاره علشان افرجيهم مين كنعان ، واخباركوا بتصلني اولا بأول عن بطولاتكوا وان شاء الله راح نكنسهم
كنعان : لا يابا انا الصحيح جاي اودعكو ، لانه وراي مهمه وممكن اطول في الرجعه فجيت اودعكوا واطمنكوا علي ... يالله تسمحولي
ام كنعان : يمه لسه ما شفناك اكعد( اجلس) اتغدى وروح وعلشان تشوف خطيبتك فداء قبل ما تسافر
كنعان : ما بقدر يا يمه وسلمي على فداء واحكي لها انا على الوعد وتنتظرني
صبريه: اتركيه يا مره ثورتو احسنلو منا ، رفكاتو بستنوه ... روح يا بني ( رضى ربي ورضى كلبي (قلبي) عليك ، امانه سلامي لكل واحد من النشامى وارض الفردوس امانه بركابكو(برقابكم)
( في مكان آخر يشاهد كنعان ومؤنس ومحمود واحمد في خندق واحد متربصين لدبابات العدو المتقدمه
احمد : هاي الدبابه الك يا مؤنس
مؤنس : العينين عينيك يا احمد .... خذي هالبي سفن (الار بجي ) يطلق قذيفه ويصيبها وتتعالى هتافاتهم الله اكبر
كنعان : يحمي يمينك يا مؤنس ..... النار ولعت فيها --- الله اكبر --- الله اكبر --- الله اكبر
محمود : اوعكوا يا شباب –هذول الجنود نطوا منها ... ارموهم ( تط تط تط تط طط ططط)
كنعان : هاي ثلاث دبابات جايات علينا ، دورك يا محمود
محمود : خذي مني هالساغر هديه - -- يضربها وتحترق وتشتعل فيها النيران
ولكن تتقدم باقي الدبابات مع رتل آخر
مؤنس : يا شباب الموت ولا المذله ، ولا واحد بدنا يقع في ايديهم
يخرج الاربعه في مواجهة الدبابات ويعلوا هتاف : الله اكبر ... الله اكبر ... النصر للثوره ارواحنا فدى الفردوس
يبتعد كنعان عن رفاقه ويلف نفسه بحزام ناسف ويركض باتجاه الرتل المتقدم وهو يصيح الله اكبر .... الله اكبر ...انا جايك يا عز .... ابشر يا خوي .... الله اكبر الله اكبر ... النصر للثوره
وتتعالى الانفجارات في رتل الدبابات مع صيحات وصراخ الجنود والنار تشتعل بهم بعد ان فجر كنعان نفسه بينهم ، وتتراجع بقية الدبابات عن المنطقه
احمد : مؤنس وين راح كنعان
مؤنس : كنعان ... كنعان فجر نفسه في الدبابات وانا تصاوبت
محمود : كنعان استشهد واعطاني هالورقه قبل ما يستشهد
مؤنس : انا اتصاوبت يا محمود وينك يا احمد ... ارجوكوا اذا متت تخبروا اهل كنعان وتقولوا لهم ان كنعان كمل عرسه وتم زفافه على حبيبته الفردوس وانه كان لابس احلى اكليلين ... اكليل النصر واكليل الشهاده ... سامحوني يا شش.. شب...شباب --.... اشهد ان لا آله الا الله واشهد أن محمدا رسول الله
احمد : مؤنس ---مؤنس ( يحتضنه وينفجر باكيا )
محمود: الله يرحمك يا مؤنس يا بطل
في دار كنعان يظهر جالسا احمد ملفوف اليد ورفيق السلاح محمود
محمود: يا عمي يا ابو كنعان ، ويا خالتي ام كنعان ، وانتي يا جدتي صبريه ... احنا جايين من طرف ابنكوا رفيقنا كنعان وبسلم عليكوا كثير وبقلكم ما تهتموا هو مرتاح ونفذ رغبتكوا بأكمل وجه وراح عند اخوه عزالدين
احمد : يا عم ابو كنعان احنا الصراحه جايين نقول الك ، انو اجل الانسان محدود ، وانو الله اختار كنعان الى جواره مكرم بين الشهداء ، فما نرجوه منكم الا انكوا تدعولنا بالنصر وتكروا ( تقرأوا ) الفاتحه على روحه وروح مؤنس ، والله كنعان دمر بحالو اربع دبابات ، ولا خلاهم يكربوا ( يقتربوا) من الموقع اللي احنا فيه
ابو كنعان : مين كلكوا انه كنعان مات ، كنعان احلى عريس ، انزف لعروسته ولبسها الطرحه الحمرا ، انتو مش عارفين مين هي عروسته ، عروسته الفردوس ، عروسته وطنه ، وعروستكوا انتو كمان
صبريه وام كنعان ينطلقن بالزغاريد : وتقول لهم صبريه: امانه في ركابكوا (رقابكم) يا اولادي لانه كنعان بيزعل ومؤنس وكل واحد كدم (قدم) روحه فداها وما تخلوا حدا يكربها ارضكوا عرضكوا يا اولاد
( من بعيد تظهر مجموعه من الشباب قادمين وهم يحملون الشهيدين كنعان ومؤنس ملفوفين بالعلم ومحمولين على اكف الشباب )
ام كنعان : يالله يا نسوان كومن (قمن ) اركصن (ارقصن) اليوم عرس ابني كنعان وعرس اخوه وصاحبه مؤنس ) تعج النساء بالزغاريد ( لولولولول لليش )
وتظهر المشاعل تجوب اطراف البيت وفي اطراف القريه ويعلو صوت شباب القريه
جابو الشهيد جابوه
وبعلم الثوره لفوه
غناء آخر
عرساننا زين الشباب زين الشباب عرساننا
عرس الاول للاحباب والعرس الثاني نصر بلادنا
رشيدنا يا سبع الغاب يا كنعان مقدامنا
عرس الاول للاحباب والعرس الثاني نصر بلادنا
عرساننا زين الشباب زين الشباب عرساننا
ودار دعتنا للفرح واجب علينا نزورها
ودار دعتنا للفرح واجب علينا نعلي سورها
ودار العزومه والفرح للضيف فتحت بابها
وع جدارها البلبل صدح والعز فوق عتابها
يا شيخنا يا ابو كنعان شيخ المشايخ شيخنا
من يومنا اهل السخا اهل النخا من يومنا
عاداتنا شرب الدما شرب الدما عاداتنا
كنعان يا سبع الغاب كرمالك نخوض الدما
يتقدم محمود من صبريه ام فارس : مرحبا يا جدتي صبريه هذي الوصيه اعطاني ايها كنعان وحملني امانه اني اعطيها الك وهذه بارودته سلميها لاخوه الصغير عوده حتى يكمل المشوار من بعده
ام كنعان تقوم ترقص وتحمل الباروده لابنها الاصغر عوده ويحملوه الشباب على اكتافهم وتتعالى صيحات الله اكبر
وتتعالى اغنية جايين يا تراب الوطن
جايين يا تراب الوطن جايين
أشتقنا لجبل عالي لجبل جرزيم
تحت السماء ما فى مثل الاوطان
فلسطين أحلى وجه اعلى جبين
اشتقنا للبيرة ورام الله
ولبير زيت لمجدها تعلا
عن نابلس نحنا ما نتخلى
دم الشهيد ترابها اتحلى
ويا طير سلملي على جنين
اشتقنا لغزة ولشواطئها
ولرفح والى من حواليها
ارض الخليل الله يخليها
بحر ابراهيم حاميها
وبالفاتحة والفلق وآل ياسين
اشتقنا الى اريحا ولوزتها
لطول كرم بطيب عنبتها
عتيل يا عتيل تينتها
وقلقيلة لزيت جرتها
ومن بيت لحم التين لبورين
اشتقنا لبيت ساحور وبيت جالا
لبيت حنينا القلب ميالا
وطوباس وعجا ويطة ع حالا
الشجاعية الشاطئ والبريج
فلوجا لجباليا البردلة وقوسين
اشتقنا لجبع ليعبد وطمون
جيلوس للرنتيس لليامون
عنبتا لكفر اللبق للقاتوم
سلفيت خربة ايس للعزوم
سوريف لحلحول ونحالين
اشتقنا للدهيشة وللعروب
عسكر لبورقة ولا بلاطة سوب
سيلة لترمس عيتا الغروب
بيتا لحسنة لسعى الجنوب
زيتا لخانيونس وجماعين
اشتقنا لبنى سهيلا وللنصيرات
اللطرون لدير ايوب للحليقات
العيزرية ابو ديس دير التوام
بوتينا لقلنديا لحسام ترقوميا
للجلزون لبيت جبريل جاين
القدس يا مسرا النبى العدنان
قاهر قريش الغالي المنصان
نهض الحضارة ومهبط الاديان
فيها الكنائس ومسجد الاقصى
الطور وادي الجوز ودير ياسين
جايين مهما طالت الايام
تنام فى محبة ع ريش نعاام
فلسطين بمال الكون ما بتنسام
وجايين حتى نعمر فلسطين
اشتقنا لعكا وجامع الجزاار
يافا لحيفا لصفد للمغار
ليابون لشفاعمرو والفوار
عمرال ام الفحم جمرة نار
لطبرية ولمرج حطين
للناصرة اشتقنا وكفر كنّا
قرعان لدبورية ودير حنا طامي
للقطيعة لبيت جنا طمون
وديرالاسد وابو اسنان
المُكُر وجديدوة وطعم اللين
جايين يا تراب الوطن جايين
اشتقنا لمجد الكروم جارتنا
لشعب لكوكب عتلتنا
معن النحف للريمة نخوتنا
لكفر مندا ولكفر ياسيف
عرابة البطوف ولسخنين
اشتقنا لفسوطة ونعليا عال
للمزرعة القرشى حفو الجيال
تشهد عالحجيرات عالخيال
لجسر الزرقا وللفريجة
ميسر للجوليا وصبارين
اشتقنا لسولم مرتح الاحرار
عين الناعورة وعيلبون كبار
لعين ماهر عرعرة مشوار
كسال لباقة الطيرة يا اجوار
للجش لعيلوب عارة وميل
جايين يا تراب الوطن جايين
اشتقنا لكفر قاسم لبيسان
لقلنسوة للد وعسقلان
الطيبة الرملة رهط الشجعان
من ابو غوش لوادى سلامين
برتاع عسفيا الدرية وزرعين
لمصمص اشتقنا وعلى الابراهيم
لمشيرفة المعاوية لتكريم
سالم وكفر قرع والبيار
لكسال للمرجيل
للمصغار جد المثلث صندلة وجريل
جايين يا تراب الوطن جايين
اشتقنا للجاعون البر ولكويكات
للخالصة الزيم لحميمات
المجيدلة وصفورية ولدرين
لعار للدامون وللكفرين
لكفر برعم اكفار وسيرين
جايين يا تراب الوطن جايين
أشتقنا لجبل عالى لجبل جرزيم
تحت السماء ما فى مثل الاوطان
فلسطين أحلى وجه اعلى جبين
صخر العزه
عمان – الاردن
20/6/2023
ليست هناك تعليقات:
إرسال تعليق