هو مين مرتاح ... للشاعر علي شحاتة سليم

 

هو مين مرتاح
........................
هو مين مرتاح يادنيا
فيك وحس بالامان
نام وباله مره رايق
وابتسم له الزمان
اللى كوش واللى نتش
مش مكفيه اللى نهبه
واللى نفسه فى يوم
يموت
حكمه وبايد اللى خلقه
دنيا باهته وطعم ماسخ
الحلاوه فيها مره
هو مين شافك وحبك
اللا بعد الحب كرهك
لابقيتى مره عشره
ولا صونتى ابن واعدك
تفتحى حضنك يضمك
يحس فيك يوم بودك
وانت عميه
دنيا فيك الهم سلعه
للغلابه وتمنه غالى
يسرق الفرح فى عيونهم
يزرع الاحزان جناين

على شحاته سليم