ساكت ليه ... للشاعر وليد حسانين

 

ساكت ليه
للبلياتشو!!!

ساكت ليه
والحزن مليك
لسه الدنيا بتلعب بيك
مد يا آدم يلا إيديك
أعرف إن الدنيا معاك
لازم يوم راح ترضى عليك

ساكت ليه والخوف جواك
خايف منها خايف مني
خايف من كل اللي معاك
انسى الخوف واحضن حلمك
صدق إن الحلم حياة
وأسأل نفسك هل
من خالق غير الله !؟

عمرك كله عشته وحيد
ويا معاني وفكر شريد
ليه مستكتر تغسل نفسك
ترجع تاني بشكل جديد
يمكن تلقى ردود لخواطرك
تلقى خاطر لسه وليد!!!!

اضحك . غني . وعيش
افتح باب مع شيش
طلع منه كنز حياتك
عيش زي الدراويش
واسأل نفسك نفس سؤالي
ساكت ليه ماتعيش!؟

أشعار
للبلياتشو
وليد حسانين
27/7/2021