احنا أنهل هذا البلد ... للشاعر خالد المهداوي

 

احنه اهل هذا البلد ونعلي رايتنا..

خلونا الايد بالايد ونوحد كلمتنا..

يبقى صوتنا عالي وبالحق دوم آيلالي وبظل الله واكبر هي خيمتنا..

والغريب لا ماله مكان يعيش بنصنا..

بعد ماننطي مجال لاي حاقد يفرقنا..

خلونا نعيش بآمل ونعلك شموع الفرح وبالحب نتكاتف سوى ونعمر بلدنا...

ابن الشمال والوسط كلنا اتحدنا..

وابن الجنوب خيره يجري بدمنا..

آولاد الرافدين انصير..

تستاهلون كل الخير..

وللسما نعلي الرايا وكلنا آتحدنا..

هذا العراق الزين..

ننطيه ماي العين..

وما نخلي اي واحد ابد يدخل بينا..

احنه اهل هذا البلد ونعلي رايتنا..

خلونا الايد بالايد ونوحد كلمتنا..

العراق معروف بطيبة وللعالم والله هيبة وهذا فخر النا...

شما دول لفيت وتغربت وبجيت محد يحن عليك غير ابن بلدنا...

هذا العراق الغالي هو حبي وامالي ويظل اسم العراق نبض قلبنا..نبض قلبنا...

احنه اهل هذا البلد ونعلي رايتنا..

خلونا الايد بالايد ونوحد كلمتنا..

........بقلمي....

...... خالد المهداوي......