صعب تفهم ....
بقلم // سليمان كاااااامل....
*********************
صعب تفهم من نظرتي
صعب تفهم من كلمتي
إني عنك مابتحول
صعب تعرف معنى حبي
رغم إنك هنا جنبي
رغم إنك عايش تغني
تقول كلام يفرح لقلبي
إنت قلبك بعيد بعيد
رغم إن الكلام قريب
حتى خيالك شارد وسارح
يرمي شباكه لألف حبيب
صعب إنك تقولي كلمه
ترد بيها لهفتي
ترضي بها قلبي الحزين
تقوله يوم إنت سكتي
لكن غرورك زاد وغطى
على الأمانى المفرحه
سود لها نظرة فرح
حتى ابتساماتي المسعفه
صعب تفهم من نظرتي
صعب تفهم من كلمتي
إنك أنت حبي الأول
جاهدت نفسي أمنعها عنك
ألاقي نفسي تردني
قلت له قلبي إفهم
لو يحبك مايصدني
صراع كبير عشته معاك
يمكن تحن ف يوم باللقا
ويرتاح قلبي على شط قلبك
ينعم برفقه بعد الشقا
أتاري قلبك في دنيا تانيه
وروحك معاه في الغلب تايهه
حرام عليك تعذب ف روحك
دا صعب تفهم دوا جروحك
وإنت بتجرح من غير ماتعرف
ضحيه فيها قلبي وقلبك
صعب عليك تفهم وتعرف
إني شايل كل همك
.....................................
سليمان كاااااامل......2020/7/10
ليست هناك تعليقات:
إرسال تعليق