بقلمى يوسف ونيس مجلع ... ايطاليا بريشيا
اصدقائى الاحباء من سلسلة الكلمات الخفيفة كلمة بالعامية
بعنوان -- ايه اللى غير خلى
يا اخواتى حد يقول لى ----------------- ايه اللى غير خلى
لسه امبارح بيقول لى ------------ ياحياتى و ياللىى و ياللىى
دلوقتى رايح و مولى ---------------- وعدى جنبى بالمللى
لا هدى و لا بص لى -------------- و لا حتى ازيك قال لى
------------------------------------------------------------
كان لهب الوجد مشعلل لى -------- وفى عينيه الود باين لى
ياما جالى بورد شايل لى ----------- وغنالى ياليلى يالا للىى
ست البنات ياللى -------------------- دمك شربات و محلى
حسنك فى قلبى مخلىى ---------------- حبك نار قايدة تمللى
------------------------------------------------------------
كان جنبى زى ظللى --------------- مايلة له وقلبه مايل لى
غرامه فى نبضه بيوصل لى ------ كلامه فى حبه مفصل لى
يقول ياعينيا بشقاوته يسبل لى---- اقول ياعينيا بحلاوته اتمللى
ما بين بسمة بتنورلى --------------- و بين همسة بتسحرلى
------------------------------------------------------------
ياخواتى مين يفسرلى ---------------- ازاى دا كله حصل لى
كان يشوفنى يهلل لى --------------- باحبك ياما كثير قال لى
ازاى اتغير كدا خلى -------------------- يعدى جنبى بالمللى
لا يهدى ولا يبص لى --------------- ولا حتى ازيك يقول لى
------------------------------------------------------------
خايفة الزمان يكشر لى -------------- وتبان له نيبان تطلع لى
خايفة يروح منى خلى ------------- غيرالجروح ما يفضل لى
عينيا تبوح غلبى و ذللى ------------- قلبى ينوح حزنى يادللى
عقلى يروح فى الترا للى---------- و روحى تروح ما ترجعلي
يوسف ونيس مجلع – مصر
ليست هناك تعليقات:
إرسال تعليق