" غير اسمعي الكلام " بقلم المتألق شكري بن نعمان

غير اسمعي الكلام

اسمعي الكلام ، ملّي يحبّك،

ويدلّك..

و ربي شاهد عليّا،..

ما تقدري تفارق،

وما تقدري تعاند المقدّر

ليك وليّا.

غير إسمعي الكلام...

ما تعانديني..

صبرك فايض ،فايت ،

ما يتعدّى..

و عيونك تحكي بالدمع سكّابا،،

ما تتخبَّى،،

و زيدي الكرى موشم جفونك ،

والله كتحلفي ما نصدقك ..وما نَتْشفّى

اسمعي الكلام ، ،،،

و خوذ منو العبرة،،

حبي ،نايا...

ما تقدري منو تبْرى..

اسألني،،

شهور عايش مهبول،،

مخبّل في كبّة..

إسمعي الكلام ،،،

نَايَا ندلّك ،

غير اسمعي الكلام ،،

مبرد دمك..

نايا الموج والبحر ،،

ونايا السحب والمطر،،

ونايا العاشق والمعشوق ،،

وكيف العادة،،

غير اسمعي الكلام...

خوذ الدرس ، موفِّي ،

ومهما قلت مواويل ،،

ماني مكفّي،،

إسمعوني ..نصيحة..

.. ياعاشقين ....

ناري علّي عشق من غير رادا.،،

لا ينفعو ،طبيب،

و لا فداوي ولا سهارة..

اسمعيني ...

و غير روفي ..

و ردّي سلامي..

كان عجبتك حروفي ،،

شكري بن نعمان 21/7/2020