ولو ******* بقلم******* الشاعر // سليمان كاااامل ....

ولو ....

بقلم // سليمان كاااامل ....

******************

ولو كنت بقول أشعار

وقلبك فيها محتار

كلامها رقه ومحبه

وعليها توابل وبهار

ماتقولش الشيخ بيحب

ولا واقع فيها ومنهار

....

دا ياعم شويه وشويه

الليل وباعوضه مسهرنا

والغلب ماسكنا ف نهار

والأمر مايسلم ياحبيبي

إلا بأشعار وهزار

.....

ولو كنت بقول أشعار

متقولش الشيخ محتار

بين سنه وهيبته مشوار

وكمان حكمه ووقار

إزاي داي يحب ويحتار

ويبات ليله بدمعاته

ياخرابي دا كله بهزار

.....

متولي أتزوج ستاته

وكملهم دسته العطار

وتقولي بكتب أشعار

والعقل الشارد محتار

ياخي باين انته اللي حمار

مابتعرف تفهم شطار

.....

ولو كنت شايفني سرحان

وتفكر حرفي ف توهان

م الحب ياعيني بهتان

والسهد في سيرة النسوان

والشعر طراوة وحنان

متقولش بأني خسران

والحب مشعلل سليمان

.....

لسه ياصغير ماكبرتش

ولا يوم تفهم سليمان

الحرف ف إيده بتشكل

على رنة عود وكمان

يتلون زي مايتلون

وبيرجع دايما كسبان

......

أتمنى تفكر ياحبيبي

الشعر طريقي ودروبي

وصداقتي فيه وحروبي

وكأني صعيدي وجنوبي

والحب طريقي ومكتوبي

........

سليمان كااااامل.....2020/7/6