من رباعيات العلالقة
~~~~~~~~~~
يا دوبها ملـيـون سـنة مولـود و دا سـني
جسمي ما صاحبه البلا و الكل خاف مني
عايـش ولإني وهــج الــتاريخ و الـــروح
زي الكــتاب مفتــوح إقــرا و خــد عـني
~~~~~~~~~~~~~~~~~
قــالـــولي بتحبــــها أنــا أمــــوت فيـــها
مصـــر اللي مـن ضيـها غنى القمــر ليـها
زي الطـيور ع الشـجر أجـمل كـلام أتقال
و اتغـــزل الأشـــعار برضــهُ مـا بـوفيــها
~~~~~~~~~~~~~~~~~
صعبان عليك يا وطـن مـن بعـض أولادك
باعـوك رخيص التمـن اكتبـها ف كــتابك
لو كانت المســـألة و الحــل ف الأمــوال
لو عشت فيك شــيال دمـي فــدا ترابـك
~~~~~~~~~~~~~~~~~~
بقلم / رمضان العلالقة
ليست هناك تعليقات:
إرسال تعليق