في وسط العيلة واللمة
في البيت الكبير كنت بفرح بالحضن والضمة في وسط العيلة واللمة
كنت بلاقي الحنان في عيونك يامه واحنا متجمعين سوي علي اللقمة
فاكره ياحبيبتي ايام طفولتنا لما كنت اخبي الحاجة من اخويا الصغير
لما كان يعيط وانا كنت اعمل اني عمال ادور كان يبقي قاعد متحير
وبرغم ..انه كان متاكد اني مخبي الحاجه كان يسكت ويلعب ويدور
وانتي.. كنتي تتفرجي من بعيد وتقـولي ادي الحاجة لاخوك الصغير
ياولاد اتعلموا تحبوا بعض تخافوا علي بعـض وفي كلامك كنا نفكر
علمتيني الحب من حنانك خوفك علينا من غدر الزمان وحكم المقدر
لما كبرنا كنا نفتكر سنين العمر اللي عـدت علينا وطبعنا لسة ماتغير
نفرح في بيت العيلة الكبير وسـط اللمة ننتظر حضنك وحنانك يامة
الشاعر مدحت فضل
ليست هناك تعليقات:
إرسال تعليق