..
عيونى لما بتشوفك
وعيونك لما بتشوفني
بحس ان الحياه لونك
والبسمه لسه تعرفني
ولو بالصدفه جه طيفك
القاه جي يخطفني
يرميني ف أحضانك
ونعيم الحياه يمنحني
واطوف عصفور على دربك
مجروح وصوتك يريحني
متبعدنيش بعيد عنك
خد بإيدي فرحني
لما بيهل نور ضيك
نسيمك العليل يطوحني
واروح لبعيد وأرجعلك
القا عبيرك بيمدحني
أنا ال صبحت أسيرك
ودقة قلبى تفضحني
مشتاق لرشفه من نيلك
دواوينك بتشرحني
عمرى ابتدا بسنينك
حنينك رسمه توضحني
حروفي مغزوله ف عيونك
ورمشك ليه بيجرحني
لو افكر مره إني أخونك
ظنونك يوم ما تسامحني
إزاي أعيش بدونك
محتاج عيونك تصالحني
والله بقى ف عونك
مجنونك انا يامدوخني
..
عبدالحميد المرسى
ليست هناك تعليقات:
إرسال تعليق