خواطر بعنوان :
( صان الود )
اللى صان الود وده
واللى خان الود هده
وافتكر انه بيده
شق صرح وكنت عده
زى حيط لطريق وسده
عدى شوقى عدى غده
اى واحد ينسى حده
لابد اغضب يوم واصده
اللى راعى شعورى اشيله.
فوق دماغى واكون دليله
له فى قلبى احلى صورة
حب خالص دور بطوله
جسر ود احن ليه
تاريخ وشاهد م الرجوله
اقوى عزم حديث بطوله
هوروحى ونور عيونى
حبى فى الدنيا وسكونى
سندى فى الشدة ورفيقى
عمرى فى الدنيا وصديقى
اى حاجه ماتغلى ليه
حب خالص وبايديه
نور وساطع كل دربى..
لما اشوفه ادعى ربى..
يحفظه ويدوم ودادى..
وامدحه وامدح پلادى.
احفظه من كل عادى
واللى باع ودى رخيص
واللى قال كلام نقيص
واللى جرح وقال حريص
عدى كل الحب كده
هجر نور الود صده
زال رباط الفكر حده
جوا سور الحب بده
صد كل حاجه حلوة.
صد كلمه رد غنوة
شال بايده ذكرى حلوة
لما قال عنى انى ضده
واشتكى وزايد فى عنده.
كشف عهدى وحبى عنده...
ستر سترى وعمرى جنبه
صورة اسطورة وبغيضه
ضيقه منسوجه وعبيطه
صحوة للعقل وجريئه
كل ثانيه فى الدقيقه
اللي باعك ابقى بيعه
اى خير منه ابقى ذيعه
اوبناقص منه خالص
المعامله تبقى ريبه
والتجنب يبقى عيبه
كفايه عيشنى فى همومه
واللى خاين مش هخونه.
مش هعاتبه اوهلومه
بعد عمر طويل عرفته
كان وصولى وبس صورته
كنت فاكر حلمه طوعه
كنت شايف طيف صدوعه
واكتشف سهل ان ابيعه..
عمره ماقدر رجوعه
كنت طيب كنت هادى
كنت مخدوع والاعادى
زى طير فرحان وشادى
سارح وطارح حبى وادى.
فوق جبال الغدر غادى..
جوا نور النار بنادى
وفجاة وفى لحظه تمادى.
باعد عنى وباع ودادى
ضاع فى ثانيه جسر بادى
مش حزين و العشرة هانت.
عمرى ماابكى ع اللى فايت..
مش هقول بكيت وفايت
ذكرى ايام منسهاش
يوم ماكان حبى ببلاش
فوقت من صدمه وطناش.
صحيت من سجن اللى باش
هبتسم وانسى انه عاش
ـــــــــــــــــــــــــ
ـــــــــــــــــــــــــ
بقلم محمد عباس
الاسماعيليه .مصر
ليست هناك تعليقات:
إرسال تعليق