( ولسه عايزه ترحلي )
وباعته عايزه ترحلي
طب دا احنا لسّه
من رحيلنا بننكِوي
وقوليلي فين هترحلي
يمكن أسيبك تهجُري
وفى دنيا تانيه نِلتقِي
يمكن أسيبك تقتلي
حبي فى قلبي وتكتمي
صرخة وليد وتكملي
لِللي فاضل من حياتك
أو حياتي وتبتدي
من غير خيالي وكلمتي ودوّري
قوليلي يمكن تقدري
يمكن فى لحظه تقرري
عند النجوم أو لناري تدفني
وكل كلمه سمعها عمرك
كل دمعه بكاها قلبك
بس خايفك تندمي
خوفي من دا وتضعفي
بدعي ليكي وصدقي
عايزك تكوني زي طير راح تقدري
تنسي اللي كان
واوعك فى يوم تفكري
خليكي جامده واصبري
والقرار مش عُمرُه ليله وتخلصي
لسه بسُهدك تسهري
ويكلمك وتكلميه وترجعي
ممكن تهيمي وتسمعي
ممكن فى وشُه ترفعي
يفطة جفا أو تحضُني
بس اجمدي
واوعك تبُصي وتندهي
على ذكرى فايته وتسرحي
خايف عليكي لتسمحي
وتسيبي إيدك بين إيديها تسلمي
بتحن ليكي
وانتي ليها بتسبحي
وتنفتح كل الجروح
وياريتنا نقدر نحتوي
....... .... ... .. .
أحمد الصاوي مصر ١٣ / ٥ / ٢٠٢٠
ليست هناك تعليقات:
إرسال تعليق