////////+++ حاملني شلال +++////////
حاملني شلال لمحبة
ولثربتك ياسيد الشرقي
في صدري بصمة مامغربة
جاية في سر انهار شوقي
ياللي من ازمان في قلبي
لا تلومني بويا ف غرامك
وانت عبير مكلم حبي
طامع ف رضى سرب سلامك
ياحبيب الفقرة بين ناسك
يارفيق الطلبة والزهاد
ديما عامر بالحب كاسك
زيارك فيها شلى عباد
ذكر ربي ومعطر لقلوب
مقصود وسرك ماتخبي
ف لسان الناس ديما مرغوب
مسقي يامولاي من ربي
ولد مول سلاك داك الحجة
بطاش قاضي حاجة بالزربة
جدو عبدالرحمان ف البهجة
اطبيب المسكين كيف يتخبة
وانا من نسلك وطيب ثربتك
اشريف من بيت العدناني
من بن احسين عرق شجرتك
برضاك يامولاي مانعاني
يالطالين على السوق بالنية
ف ولاد فرج كاين مقامكم
ربي يبارك لي ف الجرية
واناعايش في حضن سلامكم
////////+++ بقلم صقر الحروف الزجال بوسبولة المحجوب +++////////
ليست هناك تعليقات:
إرسال تعليق