ناعسة
بقلمي / رمضان العلالقة
~~~~
ليه الدوشة
و وجع الراس
ليه الحوسة متسبناش ؟
و اللا الشغل يا ناعسة قطعني
و ملوعني
داخل طالع شايل فاس
و أفضل أكِد
و أجيب من حالي
سايبة ولدك كده طوالي
يحرق دم و زرع الناس ؟
إلحقي يا ٱمه و لدك ضايع
ماسك ف أيده
كام قرطاس
هو الوضع هيفضل مايل
كده علي طول
و مفيش إحساس ؟
نفضل نشرب مر و علقم
نرفع كاس و ننزل كاس ؟
إضرب و إرقع كسر وقع
كله بيقبض مش ببلاش
و اللا يا ناعسة ما بعرف مالك
إيه اللي جرالك ؟
قال اللقمة مبنلقاش !!!!!!
أحكي يا ناعسة و متخبيش
أحكي القصة قوام و قوليها
قولي يا ولدي منين بتعيش ؟
قولي القصة أوع تخبيها
قصة خلاص و أخدنا عليها
لمة و هيصة دولار بقشيش
ولدك يا ٱمه
العقل مافيش
ولدك يا ٱمه
ف الليل يسكر
قاعد يلطم وش مكشر
ولا دا هم علينا مقدر ؟
عايز يكسر هامتك
يا ٱمه و يوطيها
آااااه يا ٱمه
ع الشكوي المرة
و اللاه قبضنا فلوس من بره
لمي يا ناعسة و حطي ف جرة
عدي فلوس أوعاك تنسيها
و اللا يا ناعسة يا ألف خسارة
عشنا و شوفنا فيكي طيارة
تجيب الدنيا عاليها واطيها
أحكي يا ناعسة
و قولي عن حالك
أحكي الهم و هم عيالك
و اللا يا ناعسة ما كان علي بالك
إن ولادك
يوم متقولي دول راس مالك
يبقوا البيضة و اللي شويها
قومي يا ناعسة أرمي عكازك
و ارفعي راسك فوق عليها
يا ريت يا ناعسة ما ضم دراعك
ولا رضعتي ولاد تأويها
~~~~~~~~~~
بقلم / رمضان العلالقة
موثقة بتاريخ 2016
ليست هناك تعليقات:
إرسال تعليق