دموع زائفه بقلم الشاعر صبري رسلان

دموع زائفه ( 150)

..........................

صدقته تاني ورجعك

في شباك هواه ..

نساك في لحظه دمعتك

في بحور جفاه

مش ده اللي قلبه عشمك

أنت الحياة ..

سلط دموعه تخدعك

وأهو نال مناه ..

داريت ليالي سهرتها

وألوان مراره شربتها

ولا شوفنا مرة تهمها

جرحك نساه ..

جاي النهارده بيخدعك

قال غصب عنه ودعك

ولا كان في باله هيوجعك

قلبك معاة ..

صدقته ..

قول إحساسك أيه

زى زمان ملهوف عليه

قوللي يا قلبي وهسمعك

خايف ليه تاني يضيعك

محروم حنان هيعوضك

ده ما حس بيك ..

هتكون ضحيه ويألمك

وجرح تاني ما علمك

من الحزن دابت شمعتك

غشك غرامه وقيدك

بدموع عينيه ..

لساك وعايش وهم ليل

طال حلمه طال للشوق سنين

في الكدب تاه ...

رجعت قلبي كان عندها

ونسيت حروف ياما قولتها

وقفلت صفحه فتحتها

داب عشقه داب ...

من النهارده لا هصدقك

وأقولها بصراحه هودعك

وفر دموع ما ترجعك

فجرك و غاب ..

بقلم .. صبري رسلان