ارْوَ لْكْلام ... بقلم المتالق حميد النكادي

ارْوَ لْكْلام ...

قَطَّرْ شَهْدْ الحرف

أ صَاحْ ؤُ ارْوَا

حلاوة لكلام

دْوَا الروح

يَتْرَتَّلْ مْعَاني

يْبَرَّدْ ؤُ يَشْفي

جْرُوح الْفُهَّامْ..

كلمة تولد كلمة

تخرج الحكمة

على قَدْ لَمْقام

شي هَازْ الدنيا

على ظهرو مْحَمَّلْها

دَايْرا لِيه لْجامْ

يجري طول عَمْرُو

يَلْهَث وَلَا وْصَلْ

وَلاَ حَقَّقْ أَحْلاَمْ

ضحك للدنيا أصاح

طْلَقْ الجبهة مبشورة

أكثر من الابتسام

إلى عْطَاكْ العَاطي

ما يهمك لسان لْقْوَامْ

مْضَغْ لَحْرُوفْ

واسْتَحْلاَ مَاكْلَةْ لَكْلَامْ

مَا يْوَصْلَك غير نَصيبك

عْلَاش الحزن

ؤُ علاش التَّخْمَام ....

حميد النكادي
 8\5\2020
فرنسا