'' سر لوشام '' بقلم المتلق حميد النكادي

سر لوشام ...

لله آش مْخَبَّع

داك لوشام

خَمَّمْتْ ؤُ عْيَيتْ نْخَمَّمْ

ما نفعني تخمام

منقوش على الصدر

سرب لحمام...

ابيض يترجم السلام

وعلى اليد منقوشة

لَفْعَة(حية) كَرْطَيطَة(مسموعة خطيرة )

السم من نْيابْها

جاري طول ليام

ؤُ خنجر مَاضِ

عليه دم هابيل

اكْحَلْ(أَسْود) مظلام...

عْلاَشْ(لِمَ) نزرعوا الورد

ؤُ نَجْنِيوْ(نجني) الشوك كل عام

علاش الوجه نقي

والصدر عداوة ؤ خصام

لسان يسبح

واليد ياحسرة

تذبح ذبيحة الانعام

آش سر داك لوشام

آش مخبع تَحْتُو

شَلَّا (كم) هضرة ؤ كلام ..

حميد النكادي
6\5\2020
فرنسا