+ رمضان هذا + بقلم صقر الحروف الزجال بوسبولة المحجوب

///////// +++ رمضان هذا +++/////////

ربي وشهرك بالعطر فايح

والثوبة بابها لكل رايح

رمضان هذا زين لبشارات

رمضان هذا زين الخيراث

اهلالو بالبسمة علينا طل

بنوارو يالخالق يهبل

فيه يالسامع انزل القرءان

راحة لدات سر وطمئنان

ربي وزول علينا مانزل

يا ربي لوبا سمومو تقثل

نجينا كيف نجيتي ايوب

لاغيرك ياسامع نبض لقلوب

هازين لعيون رافعين لكفوف

صابنا يالعالي منو الخوف

اصدرنا منو وتخنق

ياك في سر طاعتك نستنشق

الطف بعبادك وانت لطيف

ياللي ف لسانا اسمك وليف

//////+++
بقلم صقر الحروف الزجال بوسبولة المحجوب
 +++//////