/////////+++ نتسارى فيك +++/////////
نتسارى وانا منك فيك
ياام دنيا وسرلحضارة
والناس غادية جاية لك
ياسحر المغربب يامنارة
اسوارك ثاريخ كل ماضي
مازالة لالة في بالي
والجامع لبيض راه حاضي
باب لكبيرا مصدق قوالي
باب ترجمان مابراني
يحكي للي داز شاهد راوي
باب صغير دواز قراني
بحروفو هاني اليوم داوي
باب القبلي اجمع ناسك
وبلى مانسمي كانوا هنا
وكبرتي خلقتي حبابك
وللي جاك حققتي لهنا
زايدة ومازالة كاثغري
امعامل مرسى وشط رائع
عالية لالة وانتي تدري
صيتك زوين مسموع دايع
ازناتة وعليها مسمية
جنب لبحرتعشق انزاهة
امكملة السر اهل النية
ياسبحان الله ببهاها
اشحاوطة لبرادعة وشلى
لمجدبة سحر يزيد ف نظر
والارض زايدة وراها تحلى
ربي يخليك ويطول لعمر
/////////+++
بقلم صقر الحروف الزجال بوسبولة المحجوب
+++/////////
بقلم صقر الحروف الزجال بوسبولة المحجوب
+++/////////
ليست هناك تعليقات:
إرسال تعليق