(( ؛ ؛ ؛ الشارع ؛ ؛ ؛ ))
صحيت الصبح
من نومي وقلت انزل
ولا بلاش يا واد تنزل
قعدت اذاكر للولاد
جابوا الكُتب والكراسات
لقيت الخبط فى الشارع
لا انا مركز ولا سامع
من لفظ يجرح السامع
قولت انزل واقول كلمه
كلمة خير وربنا يسامح
نزلت يا ابويه على السلم
والواد يقول يا عم ارجع
وليه ارجع ما انا الأستاذ
ربيت وقولت
والكل كان سامع
ومشيت يا عم فى الشارع
وجوه غير الوجوه
وألفاظ مكنتش تتقال هنا امبارح
نزلت إيمان تجري
يابه تعالى اجري
دا الكلام جارح
صُعبت عليه البُنيه
والبيئه والشارع
صُعُب عليه الولد ولفظ م الحيا قالع
أقول لمين شكوتي
أقول لمين لامع
أمشي يا ناس وابكي
ودمعتي تبكي
وتقول أديك سامع
أشكي لمين وليه
دا الكل م الشارع
متخرج وتلقيه راضع
طِلعت بيتي وخطوتي
ورِجلي جرا م الشارع
قلت انام واتكتم
قبل بيتي ميكون هوا كمان شارع
حطيت هنا مخدتي
وامسك كتاب واقرى
وقولت لام العيال
عايز يا روحي شاي
سُكرُه بره
أشرب مرار الشاي
وابدُر السكر
يمكن فى يوم يطرح
ولفظنا يتعِدِل ويكون كما السكر
يمكن كتابي يقول
ويترجم المكتوب
فى البيئه والشارع
دا الناس خلاص اتغيرت
والكل فى الجديد طالع
وقهوتنا ع الناصيه
وفريحها كمان جامع
وإمامنا صوته اتنبح
والكُل ولا سامع
وسماعه فى ودانه
وقلب من صوان
وشلّه ورا تعميره
ماهو الدماغ خربان
قولولنا أيه العمل
دا الخيبه دي تقيله
ومكرفون فى الحاره
ينادي على سردين
وواد يسب الدين
والتاني دا بمطوه
يثبت الماشيين
وقهوتنا لو تعرف
قاعد هناك ظابط
وفرِيحُه واد جته
قالولي دا مُخبر ويلم فى اتاوه
لا ضرب ولا نبوت
دا الكلمه منه موت
أنا كنت مش عايش
أنا كنت مش شايف
دلوقت شفت خلاص
لا كتاب ولا كراس
ينفع فى يوم يحشي
دماغ ولادي هنا
ما هو برضُه هنا شارع
قولولي أيه الحل
يمكن حلولكوا تدل
ع السكه والشارع
بتقول كمان شارع
يا عم روح اتلهي
دي حياتنا فى الشارع
....... ..... ... .. . .
أحمد الصاوي مصر ٢ / ٤ / ٢٠٢٠
ليست هناك تعليقات:
إرسال تعليق