أغنية : عندك فكره
كلمات الشاعر : السيد عطيه
*****
عندك فكره اني بحبك
وقلبي يوماتي يطوف حواليك
بقضي نهاري أردد اسمك
وأسهر أذاكر سحر عينيك
أصل هوانا وصفك لينا
ودا لا بخطري ولا بايدينا
شاور قلبك رد علينا
ياللي أحتار الحسن ف وصفك
عندك فكره اني بحبك
دقة قلبك لو بتنادي
يسمع قلبي أكنه قصادي
نفسي أحايل فيها وأدادي
تفضل جنبي وأفضل جنبك
عندك فكره اني بحبك
أنت حياتي وأغلى ما ليا
لو بينك أختار و الدنيا
أختارك أنت ويبقى شويه
ياللي بدوب من رقة همسك
عندك فكره أني بحبك
كلمات الشاعر : السيد عطيه
مصر
ليست هناك تعليقات:
إرسال تعليق