&& المسحراتي &&
يا حوارينا اصحي المسحراتي جي
يقولك غُمة وحتعدي بإذن الله الحي
رمضان حيملا الدنيا بهجة وضي
ونسمع لحن الطبلة الي ما له زي
———————————
يا حوارينا حنعلق الفرح في البلكونة
حنرمي الخوف وندفن أم الكورونا
ده مصر مقبرة لكل الغزاة الي جونا
ربك لما يريد يجعل الشفا في لمونة———————————
يا حوارينا قولي للمساجد تفتح
وبالشهر الكريم مع بعض نفرح
ده في كل محنةربك بالخير يمنح
ومهما طال الليل بالفجر يتزحزح———————————
يا مسحراتي اشتقنا للصحبة واللمة
مع الخلان والخال ويا العمة
وزحمة ولقمة محشية بالبسمة
فيها المحبة والصلة والرحمة
———————————
———————————
يامسحراتي
مهما تاهت في العيون الشوارع
وقلوب ملاها الحزن والمدامع
ونفوس قسيت عمتها المطامع
ومهما كان الي اشتري فينا و بايع
لنا رب كريم موجود وللدعا سامع
•- - - - - - -- - - - - - -- - - - •
^ بقلمي^ * محمدأبوالمجد*
^مصر^
ليست هناك تعليقات:
إرسال تعليق