الجرح
جرحوها في الكنين...
وزادوها في الجرح جروح...
وڨالولها كحل العين...
لا تبكي لا تنوح....
لا تشكي لا تنين...
خلي الزمان يبوح....
ڨالتلهم...
الي ذبح ما مضى السكين ...
سيل الدم على طول السنين....
هانا خبينا الدمعات...
واش ربحنا كان الضيم...
ربطنا اللسان....
وزيفنا الضحكة ...
على الأفام...
والڨلب راهو مليان...
يعلم بيه كان الحنين...
ندمت ...
ندمت ما ظفرت الدمعات...
وكتبت بيهم الحكايات...
لأمها وخوتها والصاحبات...
باش يتعلمو ملي فات ....
ندمت...
ندمت ماطلڨت لسانها....
وخلاتو يحكي ويزيد...
على عڨول مريضة ...
وڨلوب ماتشبع...
ديما هات ،زيد...
لا يڨولو يعطيها الصحة ....
لا يڨولو بنت صناديد...
يڨضو شورهم بيها...
ويلبوسوها لجام حديد ...
ندمت...
ندمت على طيبة ڨلبها...
في زمان عجيب...
وكبرت علتها ...
وما لڨات لا دواء لا طبيب...
ماسكتت،لوجت برشااااا....
مرة تخطى مرة تصيب...
أما الجرح ماحبش يبرى ...
عمال يكبر ويزيد....
صبيحة حفيظ
ليست هناك تعليقات:
إرسال تعليق