" بحر عنيك " بقلم الشاعر سيد االحلواني

ياللي راميني...

في بحر عنيك...

على فين الموج...

ح يوديني ؟

على شط امان...

لرمش عنيك...

واللا في دوامه...

ح ترميني ؟

أنا في الحالتين....

ياحبيبي غريق...

ومين من عنيك...

ح ينجيني...

في ...

دوامه وموج...

موجه تاخدني ...

وموجه توديني...

في عنيك...

أنا شفت الشوق...

إن غبت عنه يناديني...

وعلى شط عنيك...

سيبني أنام...

إوعى الموج يصحيني...

بأحس بغربه...

وإنت بعيد...

وسحر...

عنيك يناديني...

أفرح كتير...

وأنا جنبك...

والبعد عنك...

يكويني...

أنا أغرق وأموت...

في عنيك...

ولا أحيا ونار...

بعدك تكويني...

يا اللي راميني...

في بحر عنيك...

على فين الموج...

ح يوديني؟
زجل /

سيد الحلواني