طير يا حمام.. كلمات الشاعر المتألق شريف محمد أحمد

طير يا حمام..

================

طير يا حمام وبلغ حبيبي السلام..

بلغ حبيبي اني سهران ما بنام..

وما عاد يفارقني حتى في المنام

بسرعة روح له قوام

وقول له انا في حالة هيام

ما شفت ابدا طعم الراحة

من سهام عيونه الدباحة

ولا من عطوره الفواحة

واعلنها قلبي بصراحة

عشقته ومش قادر على بعده

طير بسرعه يا حمام

ده انا شوقي له اصبح نار

عارف ان قلبي هو اللي اختار بس كفاية بعاد وعذاب ومرار

عشقنا شديد نتيجة الاقدار

طير بسرعه يا حمام

الي حبيبي نبع الحنان

بلغه مصير قلبي الحيران

اللى اصبح أسطورة ع الجدران

ترويها العشاق في كل زمان

خليه يكتبلي ويطمن قلبي الولهان

طير بسرعة ادا شوقي لية مالة حل..

خلية يرد علية وما ينام..

على ناري أنا واقف حيران..

بقالي كتير ماسمعت منة كلام..

خليه يكتبلي ويطمن قلبي الولهان

طير بسرعه يا حمام

دا قلبي دق معاه..

وداق الحب وياه..

قربني ليك واحضني بهواك..

يعدي اليوم وانا تايه معاك..

ماتسبني وحدي من غير هواك..

من بعد ما فتحت للدنيا شباك

انت عندي ملكت الفؤاد..

الله على الحب اللي داقني السهاد

أصله بيجي من غير ميعاد .

شريف محمد أحمد

قصيدة طير بسرعة