بقلمى يوسف ونيس مجلع --- ايطاليا بريشيا
أصدقائى الاحباء اطيب التهانى بعيد الأم اجمل الاعياد كلمة بالعامية بعنوان كأس الجنة
أمى يا حضن الامان -------- و نعيم وهبه المنان
يا كأس من الجنة مليان -------- بحب و ذائب فى حنان
مهما اشرب واقول رويان ------ قلبك يقول لى كمان
ياطارحة فى الوجدان ------------ اغصان الهناء الوان
----------------------------------------------------------
ياصرح عالى لحمانا ----------- ياطرح خير فى منانا
رغم الشكاوى لجفانا -------------- قلبك ناوى رضانا
يا اول همس فى ندانا ------------- يا فرح مالى دنيانا
حضنك فرشنا وغطانا ------- عطفك عرشنا وهنانا
---------------------------------------------------------
فى عينيا ضى رسمك --------- قبل ما يرمش رمشى
واغنية قلبى اسمك ------------ قبل ما اعرف امشى
ياما حنان فى همسك –-------- طبطب وقال معلهشى
ضحكتى ظلك وشمسك ---- بروحك تدعى ماتزولشى
---------------------------------------------------------
بهجة للقلب حسك ------------- من دعائه مانشبعشى
محلا الود فى انسك ------------ جماله ما يتوصفشى
مهما نعد فى محاسنك ---------- نلاقيها ما تخلصشى
در الكلام فى وصفك ---------- رخيص ما بيعبرشى
بقلمى يوسف ونيس مجلع --- مصر
ليست هناك تعليقات:
إرسال تعليق