قصيده بعنوان عرمه جرن
شعر "سعيد حمدى"
★★★★★
اتمطع يا حزن فى ضلوعنا ونقنق
انظر بعين البكا لعضم العرب متدقدق
دمنا المرشوش يبل الرمل يتسقسق
وان شافنا الرضيع شعره يشيب ويطقطق
★★★★★
سنين بنخض فى إرب مقطوعه
وقلنا نرد كرامه منزوعه
ننده فين ينقذمين مش لاقين
منهم طوعه
★★★★★
يوماتى يموت لك اخ وابن
وعروبه نايمه فى ايشه وتبن
كله مغمى ولا بيشوف
غير الخوف وزل الجبن
★★★★★
غربان اليهود على المدنه تركب
وكلابهم فى الحرم لعبوا عنكب
وقالوا الساده طبع واركب
ده ابن نوح ساب المركب
★★★★★
سبعين سنه غير الصمت ما بان
عمر الضعيف ما يبنى حيط الامان
لمقام محتل .....والنيل م الغل
راح يحرق زيف السلام
★★★★★
اش وغش ونهايه محتومه
وعرمه جرن هتبات مختومه
مهما كان الريح اعزل وجريح
راح يعصف ويطيح
بعش البومه
★★★★★
شعر "سعيد حمدى"
ليست هناك تعليقات:
إرسال تعليق