تعويذة القصر
قلب كبير الوف فدادين
قصر ماليه اوض وجسور
بس القصر تملي حزين
وحيطانه مخاصمه النور
حتى جناينه زعلانه
ودبلانه ما فيها زهور
وعش الشجرة كده خاوي
لا فيه وليف وغناوي
وحتى القدر كان غاوي
ما يرقله في يوم عصفور
خدو قصري وبادلوني
مين يشتري قصري
مين يشتري قلبي
عذاب وليا كان حصري
حصري ابقى وحداني
جنية وجوايا سكناني
اصل القصر كمان مسحور
تعويذة تلقاها مكتوبة
هناك عالشجرة مشطوبة
سهم وقلب عليه اسمين
جسم بينبض بنبض روحين
واسمي واسم بنت الحور
يحيى حسين 6 مارس 2020
ليست هناك تعليقات:
إرسال تعليق