انتظار
نار في قلبي بركان و قايدة
كل حياتي شوق وانتظار
وكل يوم سهران وليلي
بنحلم بشمس النهار
والحلم نجمة في سمايا دايرة
بس دايرة من غير مدار
وموجي نفسه يلاقي مرسى
دا موجي حتى من غير بحار
عصفور وتايه وفين وليفه
ما فيه وليف او حتى دار
وبرد يسري من غير ميعاده
وبرد شوقي بطعم المرار
وانت حبيبتي شمسي ونهاري
انت حبيبتي بدون قرار
قدري احبك واعيش لحبك
وعشقي ما كان اختيار
بس بعدك في برد ليلي
بركان بيغلي دخان ونار
نار وبرد في وقت واحد
وقد ايه دا انتحار
يحيى حسين 27 فبراير 2020
ليست هناك تعليقات:
إرسال تعليق