الدنيا بحر
والله فعلا دا شيئ يحير
الدنيا بحر ومليان سمك
والكبير فيه بيأكل الصغير
ليه كل حاجه حلوه فيكى بتتغير
مهما طال العمر فيكِ
بردو بيكون على طول قصير
والله فعلا دا شيئ يحير
عاوزانى ليه أبقى حوت من الحيتان
وأكون ظالم وكمان أعيش وأموت جبان
عمرى ماأكون قرش من القروش
أو حتى حوت من الحيتان
ليه على طول يادنيا سقيانى من كأس المر
وكل ما أقول كفايه تقولى أشرب كمان
راحت فين لمتنا الحلوه دا أنا إنسان
راح فين الحضن الدافى ومعاه كل الحنان
ليه البحر فيكى غريق وكمان ليه مالوش أمان
بقلم / رضا محمد حسب النبى
ليست هناك تعليقات:
إرسال تعليق