""صرخة وطن ""
"""""""""
اصرخ وقول الآااه
أبكي وقول يا قلم
""""""
وأرفع بالآنين صوتك
ابكي بدل الدمع دم
"""""
علي جندي مات ع الحدود
اسمه علي أرضها بدمه اترسم
"""""
علي صبي بضحكة بريئة
علي احبال ضميركم اللي مات و اتعدم
"""""
ابكي وقول الآااه
علي أب مات وام ترملت
وابن من أبسط حقوقه اتحرم
"""""
عيش --حرية---عدالة اجتماعية
مش جوع وعبوديه وقهر وآلم
"""""
ابكي وقول الآااه
علي ولد مات غريق
وابن مات في حريق لما دأب واتفحم
""""""
اصرخ في كل وش
واحد بمليون وش
عزف علي دم الشهيد نغم
""""""
واللي علي جثثهم رقصت كلاب
واللي علي لحمهم اتعزم
""""""
ارفع بالآنين صوتك
علي بطل بلون أرضك
حامي بالشرف عرضك
علي فارس بالخيانة اتهزم
""""""
اصرخ في وش حاكم خان
في وش شعب ذليل وجبان
ضهره من الذل والركوع اتقسم
"""""
اصرخ وقول يا قلم
لكل شاعر حر اشحن قلمك بارود
ازرع بحروفك وكلامك مليون لغم
""""""
حطم جدار الخوف
حطم صمت السكات
حطم كل عبد وصنم
"""""
اصرخ وقول يا قلم
احنا ولادك يا بلد
بنغني نفس النشيد
ونحيي نفس العلم
"""""
احنا احرارك احنا ثوارك
ولا يمكن نكون عبيد
لحاكم باع وحاكم خان وحاكم ظلم
""""
احنا علي أرضك رعاة أحرار
ولا يمكن نكون وسط قطيع الباطل غنم
""""""
انا مصري
انا فلسطيني
انا سوري
انا يمني
انا العروبة
انا عربي
ولا يمكن اكون علي ارضك رقم ...
انا .....الحر. ....انا ....مش رقم
""""""""""""""""""
ليست هناك تعليقات:
إرسال تعليق