غداً ألقاك يا عمرى
وألقى فِى هواك أمرى
يا وردى وفلى يا ريحانى
يا فرسى اللى عليه رهانى
يا حاضرى اللى جاى بكره
و كل الماضى والذكرى
ما تقولش كتير وتعاتب
انا حبى إليك ذاهب
وساكن جوا نن العين
وحالف يكون راهب
وساكن جوا محرابك
بيطلب رحمه لعذابك
يقدم صك غفرانك
يعد نجومه و سحابك
ونجمى فى هواك دايب
ونجمك فى سماى غايب
كواحة صيد وكوخ صياد
بيحدف سهمه مش صايب
سهام عينك صايبة القلب
برمش العين والحاجب
وأشتاقلك وتشتاقلى
وترجع تانى تندهالى
وأنا بالشوق بأرسملك
قلوب فى الحب عشقانى
وأشوف هواك يحركلى
سفينه نوح بوجدانى
شموع ليلى وقنديلى
بتقيد يومى تغنيلى
وترسم حظ فنجانى
وبَعِد البُعد من بَعَدك
تعود من تانى تهنينى
وشمسى تغيب فى بحرك
بشد وجرز من وجهك
وأيامى تنورها لى بقمرك
كنور الصبح فى قلب وليد
بيطلب ضمه من صدرك
وأنا ولهان ضعيف عطشان
لكلمها صغيره من فمك .
بقلم /سعيد عرفه
ليست هناك تعليقات:
إرسال تعليق