شوكه من ورد بستانى
شوكه من ورد بستانى جرحتنى وحتى الآن مآلمانى
بقيت ببكى من حاجات تافهه وجوايا حاجات كتير وجعانى
أعز الناس معايا فى فرحى وفى حزنى سابنى وحدانى
وجراحى من كترها بصرخ وبتألم وأقول آه منها وآه يانى ..وحبيب القلب سابنى وراح لكن صورته لسه فى أذهانى
وخلانى عايشه كدا لوحدى مع حيرتى ويا أشجانى
وخد فرحتى كدا وياه وسابلى دموعى ويا أحزانى
ياما كنت أنا برويه بحبى وعطفى وحنانى
وفى ليلى وكل الليالى بضمه جوه أحضانى
بدونه أنا ماهاطيب لأنو كان ليا طبيب وعارف كمان عنوانى
اللى يقابله يقوله إنى لسه فاكراه وياريت يرجعلى من تانى
نتقابل هناك بين الورود فى بستانى ماهو دا نفس عنوانى
وأرجع أقول من تانى
شوكه من ورد بستانى جرحتنى وحتى الآن مآلمانى
بقلم / رضا محمد حسب النبى
ليست هناك تعليقات:
إرسال تعليق