إرقونا وبخرونا
إرقونا وبخرونا ياناس من العين
منهم لله حسادنا كانو فينا شمتانين
وروحنا لكل الأطباء كشفو ولاقونا تعبانين
وقالو حالتكم صعبه وبقو فيها محتارين
وقامو كتبو لينا روشته فيها العلاج مرتين
وفضلنا بردو زيى ما إحنا بعدها تعبانين
والحزن مالى قلوبنا وكنا بنبكى بدمع العين
ولما روحنا للمشايخ قالو علينا محسودين
وقريو علينا آية الكرسى ومعاها المعوذتين
وبعدها راح التعب وبقينا خلاص مرتاحين
وقلوبنا خلاص طابت وبقينا كمان فرحانين
دا الحسد مذكور فى القرآن
يارب إحمينا وإحفظ أولادنا من العين
بقلم/رضا محمد حسب النبى
ليست هناك تعليقات:
إرسال تعليق