قلبي حر كلمات الشاعر صبري رسلان

قلبي حر ( 120)

.....................

يا عين

ما تبكيش

عاللي راح ..

يوم بعد يوم

بنعيش في جراح

جوانا ليل فيه شوق ما أرتاح

والقلب صوته ودقه نواح

ماشي بدور فين أنا

والصبر ليه مر وضنى

إمتى أحس بقلبي أنا

إرتاح له بال ...

أقرب ما ليا فاتني راح

ولا همه يضغط عالجراح

فتح لي باب قال جنته

عشيم في قلبي بلهفته

صدقته حسيت طلته

ضحكه ملاك ..

سقاني شهده بطعم مر

ومداري شوك في جمال يغر

خلاني أخطي لناره أسر

كده وهمي طال ..

عايش بغمض للندم

وأطاطي أهرب من الألم

خايف أفتح لأتصدم

على غشه أمر ...

صدقت كدبه من سكات ..

وبغمي عيني عن اللي فات

جوايا حاسس قلبي مات

والشوق فيه مر ..

مكتوب عليا أفضل أسير

وأحلم ببكره يوم ييجي

أكسر قيودي بدمعتي

يا ريتني طير

وأفرد جناحي فوق قساه

أهرب وأطير

وأفك سجني من هواه

محروم سنين ..

هيفيد بأيه وقت الندم

قلبي خلاص فاق وإتصدم

بقى طير وحر ...

بقلم .. صبري رسلان