حُسن النوايا في النفوس
أغلى من كل الكؤوس
لو فى يوم ضاقت عليك
إياك على الناس تدوس
مش كل حاجة فى دنيتك
عايش تجمع فى الفلوس
تملئ فى جيبك والكروش
من حلال ولا حرام
قاعد بتدى فى الدروس
المهم تبقى كبير الناس
وأنت فى نفسك
حقير تعيس
الظلم لازم فى دنيتك
عجلة تدور من غير تروس
سواقها أعمى ما بيسامحش
لظلمك و لغدر النفوس
لازم عليك فى يوم يدوس
قاعد تلملم في الميراث
ده مرة ياخد
ده ما ملوش
أنا أولى منه
ده ما يستهلش
عندى عيالي أغلى منه
نار يجمعها ما تنطفيش
كل لقمة حرام يأكلها
ولا يسبها للعيال
نار فى جوفه....
....ما تشبعوش.
سعيد عرفه
سعيد عرفه
ليست هناك تعليقات:
إرسال تعليق