(أمى)
********
أمى..
ياساكنة فى روحى وعايشة فى دمى
نور الدنيا من نور عينيكى
ربى حنانه من بين إيديكى
تاخدنا الدنيا وتودى فينا
وكتير يا يأمى تلعب بينا
ولحظة ما أتوه....
بأصرخ وأنادى...
فينك يا أمى..؟!!
أمى...
ياساكنة فى روحى وعايشة فى دمى
مهما الزمن يدينا ويدينا
مهما ركعت الدنيا لينا
مهما أكبر و اللا أعلى
وأبقى من غيرى أعلى
لازم أركع بين إيديكى
م الفضل ليكى..إنتى يا أمى
أمى...
ياساكنة فى روحى وعايشة فى دمى
فى روحى عايشة ووجدانى
تنسانى الدنيا وإنتي فاكرانى
ضحيتى ياما..يا أمى عشانى
ياماسحة دموعى فى أحزانى
مين تانى بيحمل همى غيرك يا أمى
أمى...
ياساكنة فى روحى وعايشة فى دمى
************
شعر/صلاح زقزوق
************
ليست هناك تعليقات:
إرسال تعليق