يعنى إيه كلمة يتم
الله يرحمك يا غالى
كان كتفك ليا سند
وكانت نظرتك ليا أمل
مشتاقلك يابويا
أنا حنيت لايام الطفولة
وحشنى حضنك
وحشتينى كل ملامحك
وحشنى صوتك
وحشنى خوفك
كنت بقول يعنى إيه
يتيييييم
كنت عارف الكلمة
بس ما كنتش فاهم المعنى
كنت فاكر انه الفلوس عزووة
ما كنتش اسمع كلامك
ما كنت فاكر الدنيا لعبة
كنت عايش
بس طايش
ما انت كنت شايل كل همى
ما انت كنت فى ضهرى وساندنى
كنت بدلع وكنت ضارب الدنيا صرمة
وانت جنبى كنت محمى
ما كنتش اسمع كلامك
ولا جيت فى يوم حسيت بٱلامك
كنت يادوووب بس أطلب
الطلب يتلبى فى ثوانى
فجأة راح الامان
فجأة جه ليل ملهوش صباح
جانى فى يوم تلفون
قالو ابوك تعبان
رحت شفت لقيته نايم
ناديت عليه مردش
مسكت ت ايدة بايدى محسش
كنت فاكر انه نايم
من التعب مرتاح شوية
ما كنتش عارف انه دى النهاية
طيب ما كنت تصبر
كمان يومين
أشبع بحضنك
واملى منك القلب
والعين .
مرة واحدة راحت كل
حاجة
قدامى نايم بطولة
الدمعة من عينى راحت
العقل شارد وسارح
وبيفكر فى كلمة يتيم
دلوقتى احساسها
كان يقين
بس عذابها نسانى
فرح السنين
دلوقتى بس
حسيت بالعذاب
دلوقتى عرفت معنى الغياب
عرفت يعنى إيه كملة ابويا
عاوز اصرخ واقول ياغالى
بس عارف صوتى مش هيوصلك
ولا حتى هتسمع كلامى
ما أنا ياما مسمعتش كلامك
عازو اصرخ واقول فينك
عاوز من همى اشكيلك
عاوز اقول سامحنى
بس الموت فرق
ما بينى وبينك
الله يرحمك يا أغلى الناس
ليست هناك تعليقات:
إرسال تعليق